“KHAMSA” restoranı

“KHAMSA” restoranı paytaxtın nüfuzlu 5 ulduzlu brend hotellərindən biri olan “InterContinental Baku” daxilində fəaliyyət göstərir. Restoran öz qonaqlarına Azərbaycan milli mətbəxinin zəngin dadlarını Avropa kulinariya ənənələri ilə birləşdirən xüsusi menyu təqdim edir. Azərbaycan Qida Təhlükəsizliyi İnstitutu (AQTİ) tərəfindən həyata keçirilən “Ulduz-reytinq” layihəsi çərçivəsində “InterContinental Baku” nəzdində fəaliyyət göstərən “KHAMSA” restoranında aparılan qiymətləndirmənin nəticələrinə əsasən, müəssisədə qida təhlükəsizliyi tələblərinin yüksək səviyyədə tətbiq olunduğu müəyyən edilib və ölkədə ilk dəfə bir otelin nəzdində fəaliyyət göstərən restorana “5 ulduz” sertifikatı təqdim olunub.